أشاهدُ حياتي ؛ وأبكي !

http://4.bp.blogspot.com/_8BPXietVSTc/Sm46WVL20II/AAAAAAAAAL4/9ejevO4d_J8/s320/exclamation_mark__by_elevatorangel.jpg
أشاهد حياتي ؛ وأبكي
وش به ملحوس !
أشاهد حياتي ؛ وأبكي
يا ليل مواعيده غلط مافي امل يجي بموعد زي الناس !
أشاهد حياتي ؛ وأبكي
تستهبل ! بتروح ليحيى الحين ! لا تجيه لبيته الا وانت متصل عليه قبلها بربع ساعة وبتنتظر برا ممكن 10 دقائق ! !
أشاهد حياتي ؛ وأبكي
الولد مو بصاحي ، نفسيه زفت ، توه ...
... قبل شوي مروق !
أشاهد حياتي ؛ وأبكي
وش بك منت أمس مروق وخبل واليوم هادي !
أشاهد حياتي ؛ وأبكي
يا حليلك من الي سوى فيك كذا !
أشاهد حياتي ؛ وأبكي
من جدك انت وش تحس به كل حياتك ثقافة ومدري وش ! ياخي فلها وربك يحلها !
أشاهد حياتي ؛ وأبكي
عليك ذوق ! وش ذا الالوان ؟ أنت بنت علشان تستخدم هالدفتر ؟
أشاهد حياتي ؛ وأبكي
يا يحيى لا تجامل عطه بوجهه وارتح !
أشاهد حياتي ؛ وأبكي
انت تعطيهم وجه زيادة ! علشان كذا شوف كيف يعاملونك !
أشاهد حياتي ؛ وأبكي
ما قلت لك لا تثق فيه ، انتبه لا تثق في أحد !
أشاهد حياتي ؛ وأبكي
منهو انت علشان تتكلم في هالامور ، غيرك أدرى !
أشاهد حياتي ؛ وأبكي
منهو أنت علشان تنتقد هالشخص ، توك بزر وهو شخص مشهور وكبير!
أشاهد حياتي ؛ وأبكي
خل عندك الشجاعة وقول له !
أشاهد حياتي ؛ وأبكي
شوف كيف يستهبل ؟ ماهو عرف وش اتكلم عنه بس مسوي غبي ما فهم !
أشاهد حياتي ؛ وأبكي
ليه انا أعلمك وانت ما تتكلم في هالامور مو حنا اخويا ؟ طيب سولف معنا في هالامور ، تكلم وش فيك مستحي !
أشاهد حياتي ؛ وأبكي
اركد ، يقولون الثقل صنعه !
أشاهد حياتي ؛ وأبكي
أم العبيد !

1 اضف تعليق:

غير معرف 5 أكتوبر، 2010 9:54 ص  

لماذا تبكي !!
بالعكس كل هذه المواقف التي ذكرت دليل على نجاحك والمامك بجمبع الامور وأن لك شخصيه مختلفه عن الغير ..
لا تتأثر كثيرا بما قيل فأنت الأصح ..
استمر

إرسال تعليق

عن المساحة


مساحة للفكر والروح لنتنفس أكثر ، نتوضأ بالحروق على الغسق ، ونقلب الأوراق نبحث عن ذكرى هربا من أرق ، هن حروفي ، بنات أفكاري .. ولسن نقيات !

أنا

صورتي
نجدي الهوى جنوبي الحشى, الرياض, Saudi Arabia
كاتب سعودي في جريدة الوطن والشرق والحياة ، وطالب طب ومدون حالم ، ليست معقد كبيانو أو عود أو كمان يصعب فهمهم ، أنا إنسان بسيط مزمار ودُف ، ابن ماء السماء ، ابن النآي والقلم